LAOAG CITY – Immado dagiti senior Democrats a nangipasingked ti suporta na ken ni US Vice President Kamala Harris iti panagpaidasig na a para presidente idiay Estados Unidos.
Daytoy ket kalpasan ti nagbalin a desisyon ni US President Joe Biden nga isanud ti kandidatura na gapu iti panawagan ti kaadoan a kapartidoan na.
Uray dagiti Democrats donors ket inpasingked da ti suporta ken ni Harris ken inbatad da a saan a masayang dagiti idonar da a kwarta.
Sumagmamano kadagiti dadakkel a tattao a nangirakurak ti suporta a ken ni Harris ket isuda dati a Democratic presidential nominee Hillary Clinton, dati a President Bill Clinton ken dati a Secretary of State John Kerry.
