Pinasingkedan ti Philippine Fisheries Development Authority nga immadu ti bilang dagiti ikan a naitulod kadagiti konsumer idi Abril 2024.
Segun iti ahensia, dumanon iti 60,000 metric tons ti dagup a kaaduna ti naitulod kadagiti regional fish ports ti pagilian.
Nangatngato daytoy a bilang no idasig iti bilang a nairekord iti bulan ti Marso iti isu met laeng a tawen.
Segun iti ahensia, daytoy ti kangatuan a nairekord ti ahensiada iti pakasaritaan.
Nangidaulo iti puerto a nakagun-od iti positibo a trend iti total fish unloading ket ti General Santos Fish Port Complex ken Navotas Fish Port Complex.
Maibasar iti datos, dumanon daytoy iti 28,000 metric tons ken nasurok a 23,000 metric tons.
Kabayatanna, nairekord met ti dadduma a sangladan ti ikan ti panagsubli manipud kadagiti dati a rekordda.
