LAOAG CITY – Maibilang kapeggadan a paset ti panagbiag dagiti journalist ti agtultuloy a rinupak iti nagbaetan ti Israel ken Hamas idiay Gaza.
Segun iti grupo a Committee to Protect Journalism and Reporters Without Borders, umaboten iti 128 a journalist ti napapatay sipud idi nangrugi ti panagdadangadang, no sadinno a kaaduan kadagiti natay ket dagiti journalist manipud Palestine.
Inakusaran met dagiti sumagmamano nga organisasion ti militar ti Israel nga awan ti ikonkosiderarda kadagiti puntiriada.
Malaksid iti bilang dagiti natay, ngimatu met ti bilang dagiti panangrautda kadagiti journalist.
Iti agdama ket adda 40 a kaso ti physical attacks nga inwayat dagiti soldado ti Israel sipud idi Oktubre 7, 2023.
