LAOAG CITY – Umaboten iti nasurok 100 ti nairekord ti Department of Health a kaso ti firecracker related injuries iti intero a pagilyan.
Segun ken ni Department of Health (DOH) spokesperson Assistant Secretary Albert Domingo ti nairekord a kaso gapu iti paputok ket manipud iti lima laeng a rehiyon.
Nai- record ti National Capital Region (NCR) ti kaaduan a bilang, sinaruno ti Region 3, Region 2, Region 6, Ilocos Region ken Central Visayas Region.
Segun ken Domingo, lima manipud iti 101 a kaso ti firecracker related injuries ti dimmalan iti amputation idi laeng kalman.
Innayonna a dagiti injury a nairekord tu ahensya ket nangitunda ti pannakadadael ti sumagmamano a paset ti bagi dagiti biktima, partikular iti mata, takiag, ulo, saka, ima ken dadduma pay.
