LAOAG CITY – Umaboten iti 109 dagiti lugar iti pagilian ti nairekord ti National Disaster Risk Reduction and Management Council (NDRRMC) a nangideklarar ti state of calamity gapu iti epekto ti El Niño.
Manipud iti 107 a lugar a naudi a nairekord ti National Disaster Risk Reduction and Management Council, nanayonan pay daytoy ti dua a lugar iti ili ti Paracelis iti Mountain Province ken Pudtol iti Apayao nga adda iti Cordillera Administrative Region.
Kaadoan a lugar iti Region 2 ti nangideklarar ti state of calamity, sinaruno ti CARAGA, Region 5 wenno Bicol Region, CALABARZON, CAR, Region 8 ken 12.
Umabot met iti P6.5 bilyon ti balor dagiti nairekord a pannakadadael iti agrikultura ken addda iti sumurok 215,000 a mannalon ken mangngalap ti nairekord met a naapektaran ti nakaro a panagtikag.
