LAOAG CITY – Kinumpirmaran ni Ms. Ruby Ann Felipe, ti mangidadaulo ti contact tracing team ditoy siudad ti Laoag nga umabot iti 20 ti minimum a bilang dagiti maipadpadalan iti swab test iti kada lawas.
Segun ken ni Felipe, mamindua a daras iti kada lawas a maiyuswat ti swab testing ken 10 dagiti maalaan ti sample iti tunggal testing.
Kuna na a karaman kadagiti 10 ket dagiti nakapulpulapol dagiti nagpositibo iti RT-PCR test malaksid kadagiti frontliners.
Kabayatanna, inpakaamo ni Felipe a kaaduan nga agmonitor kadagiti nagduduma nga aktibidad a pagdudupudopan ti tattao ket dagiti contact tracers.
