LAOAG CITY – Inrakurak ni Ms. Mary Jane Leaño, mangidadaulo ti Communications and Media Office ditoy siudad ti Laoag a malimitaran ti bilang dagiti makipaset iti parada para iti Pamulinawen Festival.
Segun kenkuana, daytoy ket tapno maliklikan ti napaut unay nga oras ken atiddog a panagparada dagiti amin a makipartisipar iti aktibidad.
Inbatadna a dagiti babassit nga organisasion ken ahensia ti gobierno ket na-cluster tapno agmaymaysa laengen dagitoy.
Inlawlawagna a kalikagumna a manayonan ti entertainment value para iti civic military parade para iti napinpintas a pannakabuya ti parada.
Innayonna nga iti baet nga adda ti plano ti opisinada a malimitaran ti bilang dagiti makipaset iti parada ket gutgutigotenda latta dagiti non-government organizations ken dadduma pay.
