LAOAG CITY – Ngimmato ti bilang dagiti naarestar nga indibidual gapu iti panaglako da kadagiti maladaga iti online idi 2025.
Basar iti Philippine National Police Women and Children’s Protection Center, adda ti walo a naarestar da a naglako ti anak da a maladaga iti napalabas a tawen, nangatngato ngem ti lima a nairekord idi 2024.
Inbatad ni Women and Children’s Protection Center Chief Brig. Gen. Maria Sheila Portento a maibilang a makaalarma ti mapaspasamak gapu ta uray ania a banag ket mabalinen a mailako iti online, karaman dagiti maladaga.
Innayon na a ti kangrunaan a rason dagiti inna no apay a mapanunot da nga ilako ti anakda ket gapu ta awan ti pangsuporta da.
