LAOAG CITY – Bimmaba ti bilang dagiti nagaplikar para iti Civil Service Examination inton bulan ti Marso.
Daytoy ti inpakaammo ni Atty. Rex Ami, Provincial Director ti Civil Service Commission.
Segun kenkuana, adda ti 220 nga examinees ti manamnama nga ageksamin inton March 2025 examination.
Inbatadna a nababba daytoy nga amang maidasig iti napalabas nga eksaminasion a dumanon iti sumurok sangaribu nga examinees.
Kunana a nagngudo ti apikasion idi Disiembre 26, 2024.
Innayonna a maiyuswat ti eksaminasion iti Ilocos Norte National High School ken Ilocos Norte College of Arts and Trades.
