LAOAG CITY – Umaboten iti 1,580 nga indibidual ti naarestar ti Philippine National Police (PNP) gapu iti panaglabsing da iti nationwide gun ban nga adda ti pakainaigan iti mapaspasangasangan nga eleksyon.
Basar iti datos, manipod iti nasao a bilang ket 10 ditoy ti kameng a mismo iti Philippine National Police, 30 a security guard, walo a miembro ti Armed Forces of the Philippines, innem a gangannaet ket 1,510 a sibilyan.
Iti datos ti National Election Monitoring Action Center, dagiti naarestar ket nairekord sipud idi Enero 12 agingga iti Marso 9.
Adda metten ti 1,612 a bilang dagiti nakumpiskar nga armas.
