LAOAG CITY – Ngimmato ti bilang dagiti nagparehistro a baro a negosio idi bulan ti Enero.
Basar iti Department of Trade and Industry (DTI) nga addaan ti 251,168 a business names ti nagparehistro a daytoy ket nangatngato maidasig iti 236,105 a nairekord idi Enero iti napalabas a tawen.
Adda ti 79 a porsiento ditoy ket dagiti baro a registration idinto a dagiti dadduma ket renewals laengen.
Kaadoan kadagiti negosio a nairekord ket iti wholesale ken retail sector a sinaruno ti food sector.
Maragsakan ti Department of Trade and Industry ti nasao a bilang gapu ta mangipakpakita daytoy iti positibo a panagdur-as ti ekonomia ditoy pagilian.
