LAOAG CITY – Ado pay dagiti saan a nakaideposito kadagiti nag-expired ti lisensiya na a paltog ditoy ciudad ti Laoag.
Segun ken ni P/Supt. Edwin Balles, hepe ti PNP Laoag, umabot pay laneg ti 40 agingga ti 50 a porsiyento dagiti nagideposito ti paltog.
Kuna na a possible a gundawayan dagiti maseknan ti makunkuna a provitional LTOPF.
Mainaig iti daytoy, inbatad ni Balles nga iti agdama ket umabuten ti 261 ti bilang dagiti nagisuko ti paltog ken 19 kadagitoy ti pulis ken posible a manayunan pay.
Kuna na nga awan ti rumbeng a pagdanagan dagiti nangisuko ti paltog gapu ta natalged dagitoy.
Innayon ni Balles nga apaman a malpas ti kanito a panagawatda kadagiti expired ti liseniya na a paltog ket isarunoda ti mangiwayat ti Search Operation.
