LAOAG CITY – Immado ti bilang dagiti naisuko/naideposito a paltog nga expired ti lisensiya kadagiti nagduduma a cuerpo ti pulisya ditoy probinsiya ti Ilocos Norte.
Daytoy ti inbatad ni P/Cinsp. Dexter Copuz, Chief ti Police Community Relations Office ti Police Prov’l Office
Kuna na, no ikumpera idi tawen 2016 ken ita a tawen 2017, ad-ado nga amang gapu ta idi 2016 ket agdagup iti 150 idinto nga ita a tawen bulan ti Oktubre pay laeng ket umabuten ti 340.
Mabalin a ti makagapu kuna na no apay nga ado dagiti nangisuko kadagiti paltog da ket gapu iti masansan a pannkaiwarawaragawag na iti radyo ken ti naiget a kampanya da a panangsorsor kadagitoy.
Innayon ni Corpuz a ballaigi pay dagiti inwayat da a Search operation kadagiti paltog , checkpoint, oplan bakal gapu ta addan 64 dagiti nakumpiskar ita a tawen.
