LAOAG CITY – Umaboten iti 9,341 ti pakabuklan a bilang dagiti nakakumpleto ti bakuna kontra covid-19 ditoy siudad ti Laoag.
Daytoy ti inpakaammo ni Mr. Charito Malicad, ti city information officer ditoy siudad ti Laoag.
Inbatad na a daytoy ket kalpasan nga adda ti 573 a nainayun a nabakunaan ti Janssen vaccine idinto nga uppat ti nabakunaan ti Astrazenca.
Mainaig iti daytoy, inbatad na nga a 5,908 ti nabakunaan ti first dose rason nga addan ti kabuklan a 12, 969 ti nakaawat ti umuna a dose.
Daytoy ket pakaibilingan ti 6, 139 a sinovac, 2046 nga sputnik V, 3,011 nga astrazeneca ken 100 met iti Pfizer.
