LAOAG CITY – Umaboten iti 14 dagiti nakadetine iti PNP Laoag iti agdama.
Basar iti imatang ti Bombo Radyo, 10 a lallaki ken uppat dagiti babbai ti nagtalinaed iti karsel ti PNP Laoag kalpasan ti pannakatiliw da.
Iti immunan a pannakiuman ti Bombo Radyo kenni Police Lt. Col. Rafael Lero, hepe ti PNP Laoag, a dagiti naipisok iti karsel ket dagiti natiliw dagiti kameng ti PDEU, PNP-CIDG ken NBI.
Arigen nga agdidikket ti sitwasyon iti karsel ti lallaki gapu ti kaadao na.
Nupay kasta, naipasigurado a natalged dagiti maseknan gapu ta dimmalan da nga umuna iti medical examination.
Naamuan nga iti biang ti BJM ken INPJ ket nakalockdown gapu ta saan da pay laeng a mabalin ti agawat kadagiti PDL.
