LAOAG CITY – Inpasingked ni Mr. Leonard Delos Santos, mangidadaulo ti Slaughter House iti ili ti San Nicolas a normal pay laeng ti bilang dagiti baboy a naparti iti daytoy nga aldaw ti paskua ken idi kalman a bisperas na.
Segun kenkuana, ti sagsaganaan da ket ti masaungad a baro a tawen sipod ta patien da nga adont o dagiti maparti a baboy.
Inbatad na nga iti laksid a dakkel ti epekto ti ASF kadagiti Hog Raiser ket adda met pay laeng dagiti baboy nga aggapo kadagiti backyards ngem manipod kadagiti sumagmamano nga ili.
Daytoy ket sipod ta maipalubos metten a sumrek dagiti baboy partikular ti Piddig ken Pagudpud a saan unay a naapektaran ti ASF.
Mainaig kadaytoy, kunana a nangina laeng ti presyo ti live weight manipod kadagiti lugar nga adayo partikular iti ili ti Pagudpud.
