LAOAG CITY – Inbatad ni Police Major Jephre Taccad, ti pannakangiwat ti Ilocos Norte Police Provincial Office a kaadoan kadagiti mapaspasamak a desgrasya dioy probinsya ket gapo iti human error.
Segun kenni Taccad, ngimmato iti 60.87 a porsiento dagiti napaspasamak a desgrasya iti Enero agingga iti Pebero ita a tawen 2023 no ikumpara iti kapada a bulan iti napalabas a tawen 2022.
Kunana nga iti napalabas a tawen ket adda laeng ti 18 a desgrasya ti napasamak iti nasao a bulan ken ita ket immaboten iti 46 iti dua pay laeng a bulan.
Dinakamat na a manipud iti 46 a bilang ti nappasamak a desgrasya ket walo dagiti pimmusay, 20 ti physical injuries ken 12 ti adda iti impluwensya ti nasanger.
Inpetteng na a makaalarma daytoy rason nga inulit na manen ti pananglakabad kadagiti motorista a saan nga uminom ti nasanger no
Inlawlawag na a saan met a nagkurang ti pulisya iti panangbalakad ken panangiyuswat ti checkpoint ken iti Oplan Sita iti nagduduma a lugar ditoy probinsya.
Inpetteng na a ti nasken nga adda iti kada agiturturong ti nagduduma a behikulo ket ti disiplina.
