LAOAG CITY – Inrakurak ti Philippine National Police (PNP) a bimmaba ti bilang dagiti napasamak a krimen iti pagilian iti baet dagiti agwarwaras a video seknan iti naruay nga insidente iti internet.
Iti datos ti Philippine National Police, bimmaba iti 26.76 percent wenno manipod iti 4,817 cases iti nagbaetan ti Enero 1 agingga iti Pebrero 14, 2024 ket naipababa iti 3,528 cases iti isu metlaeng a panawen ita a 2025.
Karaman kadagiti nairekord a krimen ita a tawen ket ti theft, robbery, rape, murder, homicide, physical injury, ken panagcarnap ti motorcycles ken motor vehicles.
Inpakaammo ti Philippine National Police a kadagupan kadagiti nairekord a krimen ket ti kaso a rape ti kadakkelan ti nagbabaan na no sadinno a manipod iti 1,261 cases inti nasapa a paset ti 2024 ket nagbalin a 623 cases ita a tawen.
Inbatad ni Philippine National Police chief Gen. Rommel Francisco Marbil a ti dakkel a nakatulong iti panagbaba ti krimen ditoy pagilian ket iti social media.
