LAOAG CITY – Nagsiddaaw ti Mrs. Rowena Nicolas, ti incharge ti Dengue cases iti City Health Office ditoy ciudad ti Laoag gapo ta adu dagiti nataengan nga agtawen ti 40 agpangato ti biktima ti dengue nupay ubbing ti masansan nga apektado iti nasao a sakit.
Segun kenni Nicolas, sumagmamano kadagiti nasao a biktima ti nasao a sakit ket agkakablay.
Maalarma ni Nicolas gapu ta dakkel ti nagngatoan ti bilang dagiti biktima ti dengue nga iti agdama ket umaboten 158 ti bilang dagiti pasyente.
Innayon na nga agturong da kadagiti barangay tapno mapan da aginspekyon ken ur-urayen da laeng ti agbalin a resulta.
