TOPSHOT - A boat motors by as the Bidwell Bar Bridge is surrounded by fire in Lake Oroville during the Bear fire in Oroville, California on September 9, 2020. - Dangerous dry winds whipped up California's record-breaking wildfires and ignited new blazes Tuesday, as hundreds were evacuated by helicopter and tens of thousands were plunged into darkness by power outages across the western United States. (Photo by JOSH EDELSON / AFP) (Photo by JOSH EDELSON/AFP via Getty Images)

LAOAG CITY – Umabot iti 86 dagiti pimmusay a residente kabayatan ti agtultuloy a wildfire iti amianan a paset ti California.

Iti nakalap nga impormasyon ni Bombo International News Correspondent Ray Ortal Villanueva, iti Anaheim, California, malaksid kadagiti natay ket adda pay iti tallo a tattao a mapukpukaw.

Kuna na nga umaboten iti 3,175,523 acres ti nauram sipud idi bulan ti Agosto.

Umaboten iti 3,700 a pagtaengan dagiti nauram agraman dagiti nagduduma a pasdek negosyo, 250,000 a pamilya dagiti naapektaran ken nagbakwit ken nasurok 163 a milyon a dolyar ti balur dagiti nadadael.

Inbatad ni Villanueva, a napasamak dagiti uram iti nagduduma a paset ti California, gapu ti maipagarup a panagliway dagiti tattao wenno iti sobra a kinapudot ti panawen.

Narikna da ti temperatura iti 110 agingga iti 121 degrees farenheit iti Southern California.

Naamuan na babaen kenni California Public Health Director Dr. Sonia Angell, narisgu ti angin iti agdama gapu ta umabot iti 6 degrees ti kabengbeng ti asok iti California.

Agtultuloy pay laeng ti uram iti San Bernardino County, Moreno Valley, ken iti San Francisco City.

Kinumpirmaran ni Bombo International News Correspondent Ray Ortal Villanueva, iti Anaheim, California, nga adda dagiti kalsada a nairekep gapu ti kinabengbeng ti asok a mapaspasaran da.

RELATED ARTICLESMORE FROM AUTHOR