LAOAG CITY – Dumanonen iti 128 ti bilang dagiti natay idinto a dinosdosena dagiti mapukpukaw kalpasan iti dakkel nga uram a napasamak iti high-rise building idiay Hong Kong.
Nasugatan ti 79 a tattao ken 16 a bangkay ti nagtalinaed iti uneg ti pasdek.
Basar iti Fire Service, saan nga agop-operar ti fire alarm dagiti amin a walo a tower blocks iti northerly suburb ti Tai Po.
Segun kadagiti eksperto, rumrummuar a dagiti bamboo scaffolding pakairamanan dagiti dadduma pay a construction materials iti nasao a dakkel a pasdek a manarimaan ti renovation-na ket nangitunda ti alisto a panagramram ti apoy.
Kabayatanna, inbatad dagiti sumagmamano a residente iti lugar a saanda a nangngeg ti fire alarm idi nangrugi ti uram.
