LAOAG CITY – Dumanonen iti innem nga indibidual ti natay kalpasan ti idadayyeg ti magnitude 7.4 a ginginged idiay Manay, Davao Oriental idi Oktubre 10.
Basar iti datos ti Office of Civil Defense nga adda ti tallo a pimmusay idiay Mati City, Davao Oriental; dua met idiay Pantukan, Davao de Oro.
Maysa ti nairekord idiay Davao City no sadinno a ti agtawen ti 80 a lalaki ket napandagan ti narpuog a pader iti Barangay Tomas Monteverde.
Agtultuloy ti maiwaywayat a monitoring ti Office of Civil Defense iti nasao a lugar gapu kadagiti mapaspasaran nga aftershocks.
Inbatad ni Philippine Institute of of Volcanology and Seismology (PHIVOLCS) chief Dr. Teresito Bacolcol nga adda ti innem nga aktibo a trenches ken ti Philippine trench ti namunganayan ti nasao a gingined.
