LAOAG CITY – Dumanonen iti sumurok 1,300 a tattao ti pimmusay gapu iti nakaro a kinabara ti panawen iti panagatendarda iti Hajj pilgrimage.
Basar iti Saudi government a mabalin a manayunan pay ti nasao a bilang gapu ta adda dagiti sumagmamano a biktima ti adda pay laeng iti balay-pagagasan.
Naammoan nga adda ti 83 a porsiento dagiti natay ket unauthorized a mangisayangkat ti Hajj no sadino nagna pay dagitoy iti adayo iti baet ti nabara a paniempo.
Sumagmamano kadagiti pimmusay ket nataengan idinto a dagiti dadduma ket adda ti sagsagabaenda a sakit.
Tunggal pilgrims ket nasken a makaala ti lisensia tapno legal a makapan iti Mecca no sadino a 1.8 a milyon laeng ti bilang ti pinalubusanda.
Aggatad daytoy ti rinibu a dolyar no sadino dagiti iligal a nagturong ket saan a naglugan kadagiti tour bus nga addaan ti airconditioning ken adda ti danum ken makan.
