LAOAG CITY – Nanayunan pay ti bilang dagiti natay kalpasan ti magnitude 7.8 a gingined a timmama iti sumagmamano a paset ti Mindanao idi Hunyo 8, 2026.
Basar iti datos ti National Disaster Risk Reduction and Management Council (NDRRMC), umaboten iti 55 dagiti kumpirmado a natay iti napigsa a gingined.
Nanayunan met ti bilang dagiti nasugatan kalpasan ti berepikasyon nga umaboten iti 1,120.
Nagtalinaed met ti 31 nga indibidwal a mapukpukaw, maibasar iti abiso dagiti kabagyan ken sumagmamano a testimonya.
Kabayatanna, balbalakadan ti National Disaster Risk Reduction and Management Council ti publiko nga agtalinaed a nakasagana kadagiti aftershocks a nasuruken a 3,000 sipud idi Lunes.
