LAOAG CITY – Nanayunan pay ti bilang dagiti tattao a pimmusay iti nalawa a layos iti kallabes idiay Indonesia no sadinno nga iti agdama ket umabot iti nasurok a 900 idinto a ginasut a sabsabali dagiti nagtalinaed a mapukpukaw.
Adda met ti nasurok a 100 a ribo a balay ti nadadael kalpasan ti nalawa a layos ken landslides a gubuay ti bagyo ken ti sumagmamano nga aldaw a pinagtudo na ti napigsa, aglalo iti paset ti South East Asian country.
Agpapan ita ket agtultuloy paylaeng ti panagbirbiruk dagiti rescuers kadagiti mapukpukaw idinto a dagiti tulong ket maibunbunong babaen ti panagusar ti helicopter.
Kabayatanna, kinumpirmaran dagiti opisyal iti Indonesia a naparuwar dagiti balud iti maysa a pgbaludan iti kangitingitan ti layos gapu iti panagamak da a malakumos ti danom ti pasilidad.
