LAOAG CITY – Umaboten iti 18 nga indibidual ti natay kalpasan ti nalawa a wildfire idiay Chile.
Gapu iti daytoy ket inrakurak ni Chilean President Gabriel Boric ti state of catastrophe iti rehion ti Nuble ken Bio Bio.
Nagibakwit metten ti sumurok 20 a ribu nga indibidual a naapektaran ti nasao a wildfire no sadinno adda ti agarup 250 a pagtaengan ti nauram.
Naammoan nga addaan ti kalawa a 8,500 nga ektaria ti daga iti dua a rehion ti nauram.
Namunganay ti dakkel nga uram gapu iti mapaspasaran a nakaro a kinabara ti paniempo iti nasao a pagilian.
