LAOAG CITY – Dumanonen iti 71 a tattao ti kumpirmado a pimmusay ken 110 nga indibidual ti adda iti ospital kalpasan ti nakaro a layus iti Mai Mahiu iti Nakuru county idiay Kenya.
Inbatad ni Nakuru governor Susan Kihika nga agtultuloy pay laeng ti maisaysayangkat a panagkali dagiti rescuers a nagaburan ti napuskol a pitak.
Ti layus ket gapu iti napigsa a tudo no sadino naglippias ken nadadael ti nasao a dam.
Adda ti maysa a lawasen a makapaspasar ti napigsa a tudo ti Kenya a nangitunda ti panaglayus.
Kabayatanna, sipod idi Marso ket addan ti 103 a tattao ti pimmusay ken nagbakwit dagiti rinibu a tattao kadagiti pagtaenganda gapu iti nakaro a layus.
