LAOAG CITY – Dumanonen iti 37,337 a Palestino ti natay ken 85,299 ti nasugatan sipod nangrugi ti rinnupak iti nagbaetan ti Israel ken Hamas idi Oktubre 7.
Basar iti Health Ministry ti Gaza a saanda pay a masinunuo no pay ti hostage nga iggem dagiti Hamas.
Dumanon iti 15 a ribu nga ubbing iti nasao a bilang ti pimmusay.
Namnamaenda pay a manayunan ti bilang dagiti pimmusay gapu iti agtultuloy a panangraut ti Israel kadagiti sumagmamano a paset ti Gaza.
Iti biang met ti Israel ket addan ti 1,139 ti natay ken 8,730 ti nasugatan.
Maipalagip a naruay a pagilian ti agpanpanawagan iti tigil-putukan iti nagbaetan dagiti dua gapu iti agtultuloy a panagngato ti bilang dagiti pimmusay.
