LAOAG CITY – Umaboten iti 44 nga indibidual ti natiliw iti siudad ti Batac gapu iti saan a panagisuot iti high visibility vest.
Daytoy ti inpakaammo ni Police Lt. Col. Adrian Gayuchan ti chief of police iti siudad ti Batac.
Segun ken ni Gayuchan, idi Enero 2 ket adda ti 7 a natiliw da idinto nga idi Enero 3 ket 12 ken idi Enero 4 ket 25 nga indibidual ti natiliw gapu ta saan nakasuot ti high visibility vest dagiti maseknan.
Inbatad ni Gayuchan a dagiti natiliw ket pinili da ti nagmulta ti 500 a pisos imbes nga ag-community service iti barangay da.
Innayon na a dagiti dadduma a natiliw ket aggapo iti nagduduma a munisipalidad ken adda adda pay manipod iti ruar iti probinsia.
Inpasigurado ni Gayuchan nga agtultuloy ti panangiyuswat da ti checkpoint tapno mamonitor dagiti saan a nakasuot ti high visibility vest .
Kabayatanna, nagballaag ni Gayuchan kadagiti motorista a masapol nga ugalien ti agsuot ti hhigh visibility vest mangrugi iti oras ti alas-sais ti malem agingga iti alas-sais ti bigat tapno saan a mamulta wenno mamandar nga ag-community service.
