LAOAG CITY – Umaboten iti innem a balay dagiti nauram gapu ti eruption ti Kilauea volcano idiay Puna District, Big Island Hawaii.
Daytoy ti kinumpirmaran ni Bombo Correspondent Manny Pascua manipud idiay Hawaii iti ekslusibo a pannakiuman ti Bombo Radyo Laoag.
Kuna na a manipud ti pannakauram dagiti balay iti nasao a lugar ket awan ti naimaldit a nadangran a residente nangruna dagiti Pilipino.
Segun kenni Pascua, napasamak manen ti panagdayyeg ti magnitude 4.0 agingined iti nasao a lugar idi rabii oras idiay Hawaii ken makagapu nga immabot ti 10 nga eruption wenno rengngat a naimaldit idiay Puna District kangrunaan iti Leilani Estates.
Innayon ni Pascua a gapu iti panagadu ti rengngat a pagruruwaran ti lava ken naipatungpal ti “No Fly Zone” iti nasao a lugar.