LAOAG CITY – Inbatad ni Jhonny Lipac, dispatcher ti maysa a Bus Company ditoy siudad ti Laoag a basbassit ti nagbalin a pasaheros nga agawid kadagiti bukod da a probinsia para iti Undas 2024.
Segun kenkuana, basbassit ti pasaheros ita a panawen no idasig iti napalabas a tawen.
Nupay kasta, manamnama nga umado ti bilang dagiti pasaheros ita nga aldaw.
Mainaig iti daytoy, kinunana a no man bilang umado ti bilang dagiti pasaheros ket nakasaganan dagiti kompania ti bus a mangnayon kadagiti lugan nga agpasada.
Kabayatanna, kinunana a nababbaba ti bilang dagiti pasahero ita a tawen gapu iti epekto ti bagyo.
Malaksid iti daytoy, inpakaammo ni Princess Dela Cruz ken Jaylord Ullero agpada nga estudiante iti maysa nga unibersidad ditoy probinsia a nabayag ti panagur-urayda gapu ta maababotanda a napunno dagiti bus nga agawid iti Cagayan.
Segun kadagiti pasahero, napateg nga agsubli da iti bukod da a probinsia tapno makaduada ti pamilia ken aginana manipud iti klase kas paset ti mental health break-da ken masalebran ti piesta ti minatay.
