LAOAG CITY – Nairekord iti ‘record low’ a 46 percent a bilang dagiti Pilipino a nangibaga a naragsak da iti lovelife da.
Daytoy ti resulta ti survey ti Social Weather Station no sadinno a ti agdama a bilang ket nababbaba iti 12 a puntos manipod iti 58 percent idi Disyembre 2023.
Ti kaudian a kababaan a porsiento ti naragsak a love life dagiti Pilipino ket nairekord addan 20 a tawen ti napalabas iti 46 percent idi 2004.
Adda met iti 36 a porsiento dagiti Pilipino a mamati a rumagsak pay ti relasyon da idinto a 18 a porsiento ti nangibaga nga awan ti lovelife da.
Ti non-commissioned SWS survey ket naiyuswat iti babaen ti face-to-face interviews ti 2,160 adults nga agtawen ti 18 agpangato.
