LAOAG CITY – Ngimmato ti bilang dagiti Pilipino nga awanan ti trabaho idi enero ita a tawen.
Daytoy ket basar iti resulta ti baro a Labor Force Survey ti Philippine Statistics Authority (PSA).
Iti maysa nga statement, inrakurak ni Deputy National Statistician ken Philippine Statistics Authority Assistant Sec. Divina Gracia del Prado a dagiti indibidwal nga awanan ti trabaho wenno negosyo iti umuna a bolan ti agdama a tawen ket immabot iti 2.96 million manipod iti 2.26 million idi Disyembre 2025, nangatngato no ikompara iti 2.17 million idi Enero 2025.
Ti nasao a bilang ket addaan ti katukad nga unemployment rate a 5.8%, nangtngato no ikumpara iti 4.4% rate a nairekord idi Disyembre 2025 ken 4.3% idi Enero 2026.
Inlawlawag ni del Prado, nga ado kadagiti unemployed ti agdama paylaeng nga agbirbiruk ti trabaho ken adda met dagiti agur-uray ti resulta manipod kadagiti inaplikaran da a trabaho idinto a dagiti dadduma ket maaw-awagan ti “discourage workers” wenno mamati nga awan ti available a trabaho para kadakuada.
Kabayatanna, no maipapan kadagiti underemployment wenno dagiti mangmangged nga addaan ti trabaho ngem agbirbiruk da paylaeng ti extra job ket ngimmato met iti 13.2% idi Enero manipod iti 8% idi Disyembre 2025.
Kayatna a sawen daytoy ket adda ti 6.35 million ti underemployed idi Enero 2026.
Iti met employment rate, bimmaba daytoy iti 94.2%, a katukad ti 47.94 milyon a Pilipino nga addaan ti trabaho, manipod iti 95.6% idi Disyembre 2025 nga addaan ti katukad a 49.43 milyon a pilipino nga employed.
