LAOAG CITY – Maysa ti natay idinto nga 44 ti baro a kaso ti COVID-19 ditoy probinsya.
Basar iti gobyerno probinsyal, ti pimmusay ket ni IN-C3051, lalaki, agtawen ti 53 nga APOR (service driver) ken resident iti Brgy. 1 San Joaquin, iti ili ti Sarrat.
Manipud kadagiti baro a kaso, 23 ti baro a kaso ditoy siudad ti Laoag, siyam iti ili ti San Nicolas, sagtatallo iti Marcos ken Bangui, dua iti Nueva Era ken saggaysa iti siudad ti Batac, Dingras, Piddidg, ken Currimao.
Nagimbag met ti 71 a pasyente manipud iti COVID-19.
Iti agdama, umaboten iti 3367 ti kaso nga addaan ti 505 ti aktibo a kaso, 2809 ti recoveries ken 53 dagiti pimmusay.
