LAOAG CITY – Inpakaammu ti Hamas government nga umaboten iti nasurok 40,000 a tattao ti natay idiay Gaza sipud idi bimmales ti Israel iti rinugyan a gubat ti Palastine Group a Hamas.
Segun iti Hamas government, ti nasao a bilang ket karaman ditoyen dagiti mapukpukaw ken natabunan kadagiti naperdi a pasdek.
Mainaig iti daytoy, umaboten iti nasurok 50,000 a tattao a Hamas ken Israeli ti natay sipud pay idi Oktubre 7 .
Malaksid iti daytoy ket umaboten iti nasurok 90,000 ti nasugatan no sadinno a kaadwan kadakuada ket saan a naipaayan ti umno a medikal nga atensyon.
