LAOAG CITY – Dumanonen iti 250 ti bilang dagiti pimmusay iti narpuog a nightclub roof idiay Dominican Republic basar iti Minister of Interior and Police.
Gapu iti daytoy, agbalin a naidumduma ti panangobserbar ti holy week iti Caribbean tourist destination gapu ta naipawil ti pannakaisayangkat kadagiti nagduduma a programa ken aktibidad pakairamanan ti beach parties basar iti Dominican Navy.
Sinuspenso dagiti otoridad ti traditional Easter activities a nakadawyan a maiwaywayat iti public squares ken parks.
Mainaig iti daytoy, segun ken ni Virgilio Rafael Cruz, kabagian ti maysa kadagiti pimmusay a biktima a nangaramidda ti legal action kontra kadagiti akinkukua ti establishimento.
Naammoan a ti Jet Set nightclub ket kukua ni Antonio Espaillat, ti maikadua a kadakkelan a broadcaster idiay Dominican Republic ken agtagikua ti 50 a radio stations.
