LAOAG CITY – Dumanonen iti 8.6 a milyon a Pilipina ti agus-usar ti contraceptive a pills a maibilang a nalatak a method iti birth control.
Inbatad ti Commission on Population and Development (CPD) a ti nasao a resulta ti datos ket nangatngato maidasig iti 8.3 a milyon a nairekord idi 2022 ken mangipasimudaag iti naisangsangayan a progreso ti panagbalin a napigsa dagiti babbai.
Naobserbaran ti Commission on Population and Development a ti panagngato ti bilang dagiti babbai nga agus-usar ti contraceptives ket mangipakpakita iti agdama a kasasaad ti pagilian ken mangipakpakita ti panagpasngay ket nababbaba iti 1.9 nga anak.
Basar iti Commission on Population and Development data, adda ti 34.48% kadagiti babbai ti kaykayatda ti pills, rason tapno ad-adda a nalatak daytoy iti birth control method. Sinaruno ti injectables nga addaan ti 20.66%.
Iti baet daytoy, nakairekord ti Commission on Population and Development ti panagngato iti bilang dagiti babbai nga agus-usar ti implants.
Inpetteng ni Bersales a nailanad iti Philippine Population and Development Plan of Action wenno PPD-POA 2023-2028 no sadinno a sakupen ti walo a napapateg nga istratehia no sadinno a karaman ti nayon a panangitandudo ti populasion dagiti babbai manipud kadagiti nagduduma a demograpiko.
