LAOAG CITY – Naragsak nga inpakaammo ni Lt.Col. Ericson Bulosan, Commanding Officer ti 95th Infantry (Salaknib) Battalion nga umad-adun ti bilang dagiti rebelde nga agsubsubli iti babaen ti gobierno iti rehion 2.
Segun kenkuana, dagiti agsubsubli iti babaen ti gobierno ket dagiti armado a grupo a naibati kadagiti nagduduma a barangay idiay Isabela.
Inbatadna nga apaman a simmuko dagitoy ket kagiddan met ti panangisukoda dagiti armas nga iggemda.
Inlawlawagna a dagiti naisuko a paltog ket ti grant, M16 rifle, carbine, improvised explosive device ken balbala.
Kunana a dagitoy ket naiget a supsuportaran dagiti dadakkel a personalid wenno grupo pakairamanan dagiti kameng ti New People’s Army.
Innayonna a naideklarar nga insurgency free ti intero a rehion dos wenno ti Cagayan Valley.
Kabayatanna, naammoan a dagiti kangrunaan a rason iti naan-anayen a panagsubli dagiti rebelde iti babaen ti gobierno ket saan a natungpal dagiti inkarida kadakuada ken kalikagumdan nga agbiag a nakappia kaduada ti sibubukel a pamiliada.
