LAOAG CITY – Ngimmato ti bilang dagiti rehistrado a pasdek negosyo ditoy siudad ti Laoag iti laksid nga adda ti mapaspasaran a pandemiya.
Daytoy ti inpakammo ni Mrs. Antonette Bareng, ti city business permit and licensing officer ditoy siudad.
Kuna na a basar iti rekord ti BPLO, manipod iti 4,899 a bilang dagiti nakareghistro idi tawen 2020 ket agarup 4,977 ti nairekord ita a tawen.
Kabayatanna, inbatad ni Bareng, nga adda dagiti nagrikep gapu iti pandemya partikular kadagiti pagkaserraan nga asideg iti pagadalan, sari-sari stores, fast food ken dakkel a drug store.
Nu pay kasta, kuna na nga adda latta dagiti nagrenew ken baro nga aplikasyon nga addaan ti karinderya ken sari-sari store rason nga adda ti panagngato bilang ti negosyo ditoy siudad.
