LAOAG CITY – Umad ado dagiti residente idiay Lebanon a mapwersa nga agbakwit gapu iti agtultuloy nga airstrikes ti Israel.
Daytoy ti inrakurak ni Lebanese Prime Minister Najib Mikati.
Segun ken ni Mikati, umaboten iti agarop maysa a milyon a residente idiay Lebanon ti nagbakwit ken manamnama a manayunan pay no saan latta nga isardeng ti Israel ti ipatpatungpal da nga airstrikes.
Kuna ti prime minister a daytoyen ti kaadoan a naibakwit a kadaraan da gapu iti mapaspasamak a tensyon iti pagilian da.
Immunan a kinumpirmaran ti health ministry ti Lebanon a nasurok a 50 a tattao ti natay iti dua laeng nga aldaw nga airstrikes a nakatayan ni Hezbollah leader Hassan Nasrallah idiay Beirut.
Kinumpirmaran pay ti Hezbollah a pimmusay ni top military commander Ali Karaki ken ti senior cleric a ni Sheikh Nabil Qaouk gapu iti Israeli air strikes.
