LAOAG CITY – Dakkel ti nagngatoan dagiti pasahero a simmangpet ken uray dagiti rimuar iti Laoag International Airport (LIA) ditoy ciudad ti Laoag ita a tawen no ikompara idi 2022.
Daytoy ti inpakaammo ni Mr. Ronald Estavillo, ti Airport Manager iti Laoag International Airport ditoy ciudad.
Segun ken ni Estavillo, adda laeng ti 234 a pasahero ti simmangpet iti erupuerto idi enero idi 2022 idinto nga 6,124 ti simmangpet idi enero ita a tawen.
Kabayatanna, inpakaammo ni Estavillo nga adda laeng ti walo nga eroplano a simmangpet iti erupuerto idi enero 2022, ad-ado nga amang ti 51 nga eroplano a simmangpet iti isu met laeng a panawen ita a tawen.
Inlawlawag na a bassit laeng ti flights da iti napalabas a tawen gapu iti pandemya a gubuay ti covid-19 virus ngem iti panagsublin ti normas nga operasyon iti Laoag International Airport ket dakkel ti nagngatoan ti bilang ti arrivals ken departures.
Maragsakan ni Estavillo gapu ta nagsubli ti dua a flights iti kada aldaw a sumrek ken rumuar iti nasao nga erupuerto.
