LAOAG CITY – Bimmaba iti sumuruk-kumurang nga 450 a ribo ti bilang dagiti soldado ti South Korea.
Daytoy ket basar iti Ministry of National Defense ti South Korea, no sadinno a nakissayan ti 20% iti napalabas nga innem a tawen.
Itudtudo dagiti otoridad a rason ket gapu iti agtultuloy a panagbaba ti birth rate, nga iti agdama ket adda laeng ti 0.75 a porsiento iti kada babai ti agpaspasangay a kababaan iti intero a lubong.
Obligado paylaeng ti military service iti South Korea gapu ta saan pay a pormak a nalpas ti gubat iti nagbaetan da iti North Korea a mapatta-patta nga addaan ti 1.3-milyon nga aktibo a soldado.
Basar iti panagadal, kasapulan ti South Korea ti saan a nababbaba ngem 500 a ribo a soldado tapno epektibo a madepensaan ti bukod da a pagilian manipod iti possible nga iraraot ti North Korea.
