LAOAG CITY – Inpakaammo ni Police Capt. Joseph Tayaban, hepe ti PNP Badoc, a nanayunan ti bilang dagiti naistranded iti arko ti Ilocos Norte bayat ti total lockdown ditoy probinsya.
Kuna na nga adda ti 15 a residente ti Ilocos Norte a naistranded iti arko ti probinsya idinto a 55 ti bilang dagiti napastrek itay kallabes.
Segun kenni Tayaban, manarimaan ti pannakagiproseso dagiti maseknan a local government unit a mangala kadagiti naistranded a residente.
Inbatad na nga adda dagiti sumagmamano a naisagana nga isolation area a pakaipanan dagiti maseknan ken agtalinaed iti 14 nga aldaw.
Kinumpirmaran na nga adda ti taga Pasuquin, taga siudad ti Batac, taga Dingras, Nueva Era, Pinili, ken adda ti taga siudad ti Laoag.
