LAOAG CITY – Inbatad ni Mayor Denton Garvida iti ili ti Bangui a namnamaen da nga adda ti panagbaba ti bilang dagiti turista a mapan bumisita iti lugar da intono semana santa gapu iti agtultuloy a panagngato ti presyo dagiti produkto a petrolyo.
Segun kenkuana, ado dagiti nakalinya nga ipatungpal da koma a proyekto intono semana santa ken iti dry season, ngem saan da paylaeng nga ituloy gapu iti agdama a sitwasyon.
Iti baet daytoy, inpasingked ti mayor nga agtultuloy ti panagsagana da latta para iti panagturong dagiti turista ili ti Bangui babaen ti ad-adda pay a pannakapapintas dagiti agkakapintas a buya ken pagpasyaran iti nasao nga ili.
