LAOAG CITY – Umaboten iti 12,958 nga ubbing nga agtawen ti 12 agingga iti 17 nga addaan ti comorbidities ti nabakunaan kontra iti COVID-19.
Daytoy ti inpakaammo ni vaccine czar Carlito Galvez Jr.
Segun kenkuana, manipod iti inisyal a walo nga ospital a naala para iti pediatric vaccination, addan ti pakabuklan a 26 nga ospital iti agdama.
Inpetteng ni Galvez ti kinapateg ti panagpabakuna dagiti ubbing kangrunaan na ket dandanin maisubli ti face-to-face classes.
Innayon na nga iti babaen ti kastoy a wagas ket al-alisto a mapalubusan a rumuar iti pagtaengan dagiti ubbing ken tulong metten iti mental health da.
