LAOAG CITY – Umabot ti 21 nga indibidual ti nagbalin a biktima ti paputok ditoy probinsia kabayatan iti panangsarabo iti baro a tawen .
Daytoy ti inpakaammo Dr. Rickson Balalio iti officer in charge ti Provincial Health Office iti probinsya.
Inbatad na a dagiti biktima ket nakapasar ti sugat iti imada ken amin dagitoy ket nagusar iti paputok a kwitis.
Naamoan a ti datos ket manipod kadagiti nagduduma nga ospital ditoy probinsia.
Kabayatanna, iti datos ti Ilocos Norte Police Provincial Office, kaadoan a nakairekordan dagiti nagbalin a biktima iti paputok ket iti ili ti Bacarra nga addaan ti innem a kaso, saggaysa iti ciudad ti Batac ken Laoag, pakairamanan iti ili ti Paoay, Pasuquin, Pinili, San Nicolas, ken Banna idinto a a sagdudua iti ili ti Piddig ken Solsona.
Basar pay iti datos, manipod iti nasao a bilang ket 12 ti nataengan, tallo ti menor de edad ken dua ti senior citizen.
