LAOAG CITY – Bimmaba iti 2.41 milyon ti bilang dagiti jobless a Pilipino idi Abril manipod iti 2.58 milyon idi Marso ita a tawen.
Daytoy ti inbatad ti Philippine Statistics Authority (PSA), iti baet ti ninamnama a panagkapuy ti labor market gapu iti krisis iti enerhiya.
Gapu iti daytoy, bimmaba met ti 4.7% ti unemployment rate manipud iti 5% idi Marso.
Daytoyen ti kaunaan a gundaway ita a tawen a bimmaba iti 5% ti unemployment rate.
Nupay kasta, ngimmato met ti underemployment wenno bilang dagiti Pilipino nga agbirbiruk ti nayun a trabaho wenno naat-atiddog nga oras ti trabaho tapno manayunan ti mapastrek da.
