LAOAG CITY – Umaboten ti 39 dagiti bilang dagiti nadesgrasya ditoy ciudad ti Laoag iti napan a bulan ti Enero.
Segun iti Philippine National Police Traffice Division ditoy ciudad ti Laoag, pakairamanan ditoy ti dua a nakaam-ames a desgrasya iti Vintar road ken Barangay Balacad.
Rumrumuara a ti kangrunaan a gapuanan ti mapaspasamak a vehicular incident ket gapu ta adda impluwensya ti nasanger dagiti aagmanmaneho.
Kabayatanna, maipalagip a ti pay laeng vehicular incident a napasamak iti Barangay Balacad ditoy ciudad ti Laoag ti adda naimaldit a pimmusay.
Gapu iti daytoy ket binlakadan na ti publiko nga aagusar ti high visibility vest ken saanen nga aggandat pay nga agmaneho no addan ti impluwensya ti nasanger ti bagi.
