LAOAG CITY – Inpakaammo ni PLt. Alice Vicente iti PNP-Laoag nga addan ti 31 ti bilang dagiti drug cleared barangay ditoy siudad.
Kuna ni Vicente a resulta daytoy ti agtultuloy a panangasistir ti PNP iti Barangay Anti-Drug Abuse Council (BADAC) nga isu met ti katulungan iti pannakamonitor dagiti mapagatap-atapan nga adda pakainaiganna iti iligal a droga
Immuna iti daytoy, inlawlawag na a tapno agbalin a drug-cleared ti barangay ket masapol a dumalan iti community-based rehabilation program dagiti drug users kasta pay a mai-enroll iti bahay silangan dagiti drug pushers.
Innayun na nga iti bahay silangan ket paset ti intervertion program ti gobierno national nu sadino nga adda ti health awarenees, spiritual ken physical activities, counselling, moral recovery pakairamanan ti livelihood and skills training.
Kabayatanna, kuna ni Vicente nga adda dagiti barangay a drug cleared ti apektadon iti iligal a droga.
