LAOAG CITY – Addan ti pakabuklan a 10, 281 ti kaso ti covid-19 ditoy pagilyan kalpasan a nairekord ti 254 a baro a kaso.
Malaksid iti daytoy, umaboten iti 155 dagiti natay kalpasan a nanayunan ti pito nu sadino a manipod ditoy siudad ti Laoag ti tallo, dua iti ili ti Solsona ken saggaysa iti Pasuquin ken Paoay.
Basar iti inparuk-at a covid-19 bulletin ti gobierno probinsya, nairekord ti 68 a kaso ditoy siudad, sumaruno iti Batac nga addaan ti 45 ken Bacarra nga umabot iti 42.
Mainaig iti daytoy, 29 ti nainayun a kaso iti Sarrat, 20 iti ili ti Bangui, 16 iti Banna, 13 iti Burgos, innem iti San Nicolas, uppat iti Dingras, agpada a tallo iti Marcos ken Solsona, dua iti ili it Vintar ken saggaysa iti ili ti Badoc, Pasuquin ken Piddig.
Kabayatanna, malaksid nga adda nainayun iti bilang dagiti pimmusay ken kaso ti covid-19 ket addan ti 5,5652 ti kabuklan a bilang dagiti nalaingan kalpasan a nanayunan ti 194.
Nagtalinaed ditoy siudad ti Laoag nga isu ti kaaduan ti kaso idinto nga iti ili ti Adams ni awanan ti aktibo wenno positibo a kaso ti covid-19.
